તારું અદ્વૈતપણું

ઓ પ્રિયતમ સૌંદર્યની સુંદરતા ક્યાં નથી ? 
આ જે પ્રકાશ છે, પ્રકૃતિ છે, નદી છે, ઝરણાં છે, આકાશ છે, રાજહંસ છે, કલહંસ છે, હિમાલય છે, માનસરોવર છે... આ બધું તારું જ તો સૌંદર્ય છે !
એટલેજ કદાચ હું આ બધાં સાથે એકાત્મકતા અનુભવવું છું. તેં અમને આ ઇન્દ્રિયો અમથી નથી આપી નાથ ! કાન સાંભળવા માટે, આંખ જોવા માટે, જીભ ચાખવા માટે. તેં આ બધું અમથું નથી આપ્યું...
મને ખબર છે તને અનેકત્વમાં રસ છે. પણ એ અનેકત્વમાં પણ એકત્વ છે. કારણ કે બધું તારું જ સર્જન છે. જો એકત્વ જ ન હોય તો આત્મિક આનંદ કેવી રીતે સંભવે? દ્વૈતનો ભ્રમ ઊભો કરીને તું તારું અદ્વૈતપણું ક્યાં સુધી છુપાવી રાખીશ નાથ !